Сомон Турсунзода, варзишгари ҷавони тоҷик, дар мусобиқаи қаҳрамонии ҷаҳон оид ба гуштии касбӣ оид ба ҷиу-ҷитсу дар шаҳри Абу-Даби Имороти Муттаҳидаи Араб мақоми аввал ва медали тилло гирифт.
Сомон дар ин мусобиқот дар вазни 27 кило ширкат карда, бар ҳамаи рақибонаш шикаст хӯрд ва соҳиби ҷои аввал шуд. Дар васфи Сомон Суруди миллӣ садо дода, Парчами Ҷумҳурии Тоҷикистон низ барафрохта шуд.
Сомон Турсунзода қабл аз расидан ба марҳилаи ниҳоӣ бар варзишгар Султон Аҳмад Султон пирӯз шуд. Сипас, варзишгари Ҷумҳурии Қазоқистон Султон Байсенро мағлуб карда, унвони қаҳрамони ҷаҳон оид ба ҷиу-ҷитсуро гирифт.
Ёдовар мешавем, ки як моҳ қабл Сомон Турсунзода дар мусобиқаи Shanghai Jiu-Jitsu Elite Championship 2023 дар Шанхайи Ҷумҳурии Мардумии Чин медали тилло ба даст оварда буд. Мусобиқа аз рӯи ду намуди варзиш, аз ҷумла ҷиу-ҷитсу – грэпплинг баргузор шуд, ки дар он варзишгари ҷавони тоҷик Сомон Турсунзода дар вазни то 30 кг баромад кард. Пас аз шикаст хӯрдани ду ҳарифаш аз Ҷумҳурии Мардумии Чин медали тиллои мусобиқаро ба даст овард.
Дар ин бора АМИТ «Ховар» бо такя ба президенти Федератсияи ҷиу-ҷитсуи Тоҷикистон Раҷабалӣ Турсунзода хабар дод.
Акс: аз манбаъҳои кушода
