Дар Душанбе ҳамкориҳои минбаъда оид ба татбиқи лоиҳаҳои оянда дар соҳаи идоракунии хатари офатҳои табиӣ дар Тоҷикистон байни Кумитаи ҳолатҳои фавқулодда ва мудофиаи гражданӣ ва Бонки Осиёии Рушд баррасӣ шуд.
Ба иттилои манбаъ, рӯзи 31 октябр раиси Кумита Рустам Назарзода як ҳайати Бонки Осиёии Рушдро ба ҳузур пазируфт.
Ҳайати БОР презентатсияро дар мавзӯи «Беҳдошти вокуниши системаҳои ҳифзи иҷтимоӣ ба хатарҳои иқлим ва коҳиши хатари офатҳои табиӣ» пешниҳод намуд.
Зимни вохӯрӣ раиси Кумита меҳмононро аз фаъолияти хадамоти наҷот, воҳидҳои сохтории он ва ҳамкориҳои байналмилалӣ дар самти пешгирӣ ва рафъи оқибатҳои офатҳои табиӣ маълумот дод.
АМИТ «Ховар» бо истинод ба маркази матбуоти Кумита хабар медиҳад.
Акс: аз манбаъҳои кушода
