Раисиҷумҳури Тоҷикистон Эмомалӣ Раҳмон ва раиси шаҳри Душанбе Рустами Эмомалӣ дар пойтахт 7 корхонаи саноатӣ бо 4 ҳазор ҷойи корӣ ифтитоҳ карданд. Дар ин бора хадамоти матбуоти сарвари давлат хабар медиҳад.
«Дар чаҳорчӯби Солҳои рушди саноат (2022-2026) ва татбиқи ҳадафҳои стратегияи индустрикунонии босуръати кишвар 7 корхонаи бузурги саноатӣ бо зиёда аз 4 ҳазор ҷойи корӣ ба истифода дода шуд», – омадааст дар иттилоия. Дафтари матбуот мефаҳмонад, ки дар миёни онҳо корхонаи дӯзандагии «Гулистони Душанбе», корхонаи дӯзандагии «Гулистони Душанбе», корхонаи нассоҷии «Арвис», корхонаи қаннодӣ ва коркарди равған низ ҳастанд.
Гуфта мешавад, ки барои бунёди ин корхонаҳои истеҳсолӣ таҷҳизоти замонавӣ аз Ҷопон, ИМА, Италия, Чин, Британияи Кабир, Русия, Туркия ва дигар кишварҳо ворид карда шудааст. Сарвари давлат дар ҳар як корхона аз намоишгоҳи маҳсулоти истеҳсолшуда дидан намуда, хостори таваҷҷуҳи махсус ба масъалаи рушди содироти маҳсулот гардид.
ТАСС хабар медихад.
Акс: аз манбаъҳои кушода
