Хабаргузории Ассошиэйтед Пресс бо истинод ба дафтари нахуствазири Исроил гузориш медиҳад, ки мақомоти Исроил мавҷудияти тарҳи истихборотӣ барои кӯчонидани тамоми сокинони навори Ғазза ба Мисрро эътироф карданд.
«Исроил иқрор шуд, ки яке аз вазоратхонаҳояш пешниҳоди интиқоли 2,3 миллион сокини навори Ғазза ба Миср дар нимҷазираи Синайро таҳия кардааст», — гуфта мешавад дар хабар.
Ба иттилои ин ниҳод, ин санад рӯзи 13 октябр аст. Дафтари нахуствазир Бенямин Нетаняҳу онро ҳамчун нақшаи фарзиявӣ баррасӣ кард. Як мақоми исроилӣ ба Ассошиэйтед Пресс гуфт, ки ҳеҷ гуна гуфтугӯи ҷиддие бо хадамоти амният дар ин бора сурат нагирифтааст.
Оҷонсӣ қайд мекунад, ки ин тарҳ интиқоли навори Ғазза ба ихтиёри худгардони Фаластин ё пуштибонӣ аз таъсиси ҳукумати нави анклавиро истисно мекунад.
Акс: аз манбаъҳои кушода
