Маҷлиси намояндагони Тоҷикистон созишномаи кишварҳои узви Иттиҳоди Давлатҳои Мустақил (ИДМ) дар бораи ҳифзи ҳуқуқи муаллиф дар интернетро, ки соли 2021 имзо шуда буд, ба тасвиб расонд. Дар ин бора дар карори палатам парламент гуфта мешавад.
«Созишнома дар бораи ҳамкорӣ байни давлатҳои аъзои Иттиҳоди Давлатҳои Мустақил оид ба ҳифз ва таъмини ҳуқуқ ба объектҳои ҳуқуқи муаллиф ва вобаста ба шабакаҳои иттилоотӣ ва телекоммуникатсионӣ, ки 12 ноябри соли 2021 дар шаҳри Минск ба имзо расида буд, тасдиқ карда шавад», — гуфта мешавад дар хуччате, ки дар банки ахбороти хукукии республика чоп шудааст.
Дар ин санад ҳамчунин таъкид шудааст, ки ҳукумати Тоҷикистон бояд Кумитаи иҷроияи ИДМ-ро дар бораи анҷоми расмиёти зарурӣ барои эътибор пайдо кардани ин созишнома аз ҷониби ҷумҳурӣ огоҳ намояд.
Созишнома ба таҳия ва татбиқи чораҳо оид ба ташкили механизмҳои муқовимат ба нақзи ҳуқуқ ба объектҳои ҳуқуқи муаллиф ва ҳуқуқҳои вобаста ба шабакаҳои иттилоотӣ ва телекоммуникатсионӣ, аз ҷумла дар Интернет нигаронида шудааст. Он равишҳои умумиро барои ҳалли мушкилоте, ки ҳангоми ҳифз ва иҷрои ҳуқуқи моликияти зеҳнӣ дар муҳити рақамӣ ба миён меоянд, муқаррар хоҳад кард. Ҳамкории тарафҳоро Шӯрои байнидавлатӣ оид ба ҳифзи ҳуқуқӣ ва ҳифзи моликияти зеҳнӣ дар доираи ИДМ ҳамоҳанг хоҳад кард.
ТАСС хабар медихад.
Акс: аз манбаъҳои кушода
