Кормандони Хадамоти амнияти давлатии (ХАД) ва нирӯҳои марзбонии Узбакистон зимни чорабиниҳои оперативӣ-ҷустуҷӯӣ дар марзи Ӯзбекистону Тоҷикистон қариб 90 кг маводи нашъадори аз Тоҷикистон воридшударо кашф ва мусодира карданд. Дар ин бора ХАД хабар дод
«Дар қитъаи марзи давлатии Узбакистону Тоҷикистон, ки аз ҳудуди шаҳраки Чашмаи ноҳияи Сариоси вилояти Сурхондарё мегузарад, 39 килою 409 грамм ҳероин, 35 килограмму 745 грамм афюн, 14 килограмму 545 грамм ҳашиш кашф ва мусодира карда шуд. Маводи мухаддир ба таври мурофиавӣ мусодира карда шуд», — гуфта мешавад дар хабар. Ба иттилои дафтари матбуотӣ, дар робита ба ин далел парвандаи ҷиноӣ боз шуда, барои муайян кардани соҳибони маводи мухаддир чораҳои зарурӣ андешида мешаванд.
Ҳамчунин хабар дода мешавад, ки вақтҳои охир кӯшишҳои воридоти миқдори зиёди маводи мухаддир ба ҷумҳурӣ аз кишварҳои ҳамсоя бештар мушоҳида мешавад. Охири моҳи август дар гузаргоҳи «Ойбек» дар марз бо Тоҷикистон мошине боздошт шуд, ки бо он мехостанд беш аз 55 кг маводи мухаддирро дар зарфи газ ва баллони газ пинҳон карда ба Узбакистон ворид кунанд.
ТАСС хабар медихад.
Акс: аз манбаъҳои кушода
