Ба дунболи изҳороти Туркия дар ҳимоят аз Фаластин, Исроил намояндагони дипломатии худро аз ин кишвар бозхонд, то равобитро дубора баррасӣ кунад. Дар ин бора рӯзи 28 октябр раиси вазорати хориҷаи Исроил Эли Коэн изҳор дошт.
«Дар пасманзари ташдиди оҳанги изҳороти Туркия ман амр додам, ки намояндагони дипломатии мо аз Туркия бозхонда шавад, то равобити Исроилу Туркияро дубора баррасӣ кунад», — дафтари матбуоти вазорати корҳои хориҷии Исроил аз қавли вазир дар шабакаи телевизионии русзабони худ хабар додааст.
Пештар аз он рӯз Раҷаб Тайиб Эрдуғон, раисиҷумҳури Туркия, дар як тазоҳуроти густурдаи ҳимоят аз Фаластин дар Истанбул гуфт, ки «барои қатли ом дар Ғазза» масъулияти комили кишварҳои ғарбиро бар дӯш доранд. Вай ҳамчунин ишора кард, ки Туркия ният дорад Исроилро ҷинояткори ҷангӣ эълон кунад ва дар ин бора ба ҷомеаи ҷаҳонӣ хабар диҳад. Эрдуғон Исроилро «ишғолгар» ва «гурӯҳи ҷиноӣ» номид ва гуфт, ки ҷунбиши Ҳамос Фаластин созмони террористӣ нест.
Акс: аз манбаъҳои кушода
