Шаби 28 октябр навори Ғазза дар тӯли тамоми даргириҳо мавриди бомбгузории густардатарин аз ҷониби Исроил қарор гирифт ва тонкҳои Нерӯҳои дифои Исроил (ЦАХАЛ) ба шимоли минтақа ворид шуданд.
Артиши исроилӣ вазъро дар мавриди шиддат гирифтани ҳамлаҳо ба Ғазза мушаххас накардааст. Онҳо изҳор доштанд, ки ҳеҷ чизи махсусе рӯй надодааст.
«Дар соатҳои охир мо ҳамлаҳои худро пурзӯр кардем. Нерӯҳои ҳавоӣ ба нақбҳо ва дигар инфрасохтори террористӣ зарбаҳои густарда анҷом доданд. Илова ба ҳамлаҳои дар чанд рӯзи гузашта анҷомшуда, артиш имшаб амалиёти худро густариш медиҳад», — дар ин бора сухангӯи Нерӯҳои дифои Исроил Даниел Ҳоҷар зимни брифинг гуфт.
Ҷониби Фаластин гуфтааст, ки чунин ҳамлаҳо аз оғози амалиёти заминӣ, ки мақомоти Исроил ваъда дода буданд, шаҳодат медиҳанд. Пас аз он дар Ғазза об ва сипас интернет қатъ карда шуд. Алоқа бо анклав қатъ шудааст.
«Душман дар якчанд самт ба мукобилати Фаластин камин гирифт», — дар ин бора сухангӯи Ҳамос Алӣ Барак хабар дод.
Акс: аз манбаъҳои кушода
