Дар Қазоқистон теъдоди қурбониёни садама дар кони Костенкои шаҳри Караганда ба 20 нафар расид. Дар ин бора рӯзи 28 октябр хабаргузории «Казинформ» бо такя ба ширкати «Арселормиттал Темиртау», ки соҳиби кон аст, хабар дод.
Ҳамчунин гуфта мешавад, ки 40 нафари дигар дар кон боқӣ мондаанд.
«Дар кон 40 нафар боқӣ монда, 20 шахтёр бе аломати ҳаёт пайдо шуданд», — гуфт директори иҷроияи ширкат Виктор Гафиулов, ки суханони ӯро агентӣ хабар медиҳад.
Субҳи ҳамон рӯз ҳоким Эрмаганбет Булекпаев хабар дод, ки пас аз ҳодисаи изтирорӣ дар кон таҳти роҳбарии ӯ ситоди оперативӣ таъсис дода шудааст. Дар ҷойи ҳодиса 40 наҷотбахш, 10 адад таҷҳизот ва се равоншинос кор мекунанд, то ба наздикони ҳалокшудагон ва осебдидагон кумак расонанд.
Ҳангоми садама дар кон 252 нафар буда, 205 нафар конкан ба рӯи замин бароварда шуданд. Сабаби эҳтимолии садама инфиҷори гази метан дар лава мебошад.
Акс: аз манбаъҳои кушода
