Ба чинакчиёни фаъоли хоҷагии деҳқонии «Хусрав»-и шаҳри Конибодом туҳфаҳои хотиравӣ тақдим карда шуд. Дар ин хоҷагии деҳқонӣ дар майдони 2 гектар пахта кошта шуда, айни замон ҷамъоварии ҳосили пахта идома дорад.
Раиси вилояти Суғд дар шаҳри Конибодом бо вазъи пахтачинӣ ошно шуда, таваҷҷуҳи худро ба рафти корҳои саҳроӣ ҷалб намуда, ба як гурӯҳ чинакчиён тӯҳфаҳои хотиравӣ тақдим намуд.
Сахмдорон ва пахтакорон гуфтанд, ки хар чинакчй рузе аз 80 то 120 килограммй пахта чамъоварй карда, микдори онро сари вакт кабул мекунад.
Хочагии дехконии ба номи Дехконбой Исоеви чамоати дехоти Патар яке аз хочагихои пешкадам мебошад. Дар ин хочагй аз рузхои мусоиди офтобй хам барои пахтачинй васеъ истифода бурда истодааст.
Раиси вилоят бо аъзоёни хоҷагӣ ва чинакчиён суҳбат карда, таъкид намуд, ки ҳосили пахта бояд беталаф ҷамъоварӣ карда шавад. Як катор фаъолон барои хиссаи худ дар маъракаи пахтачинй мукофотонида шуданд. Супориш дода шуд, ки дар оянда шумораи коллектиахо дар шахри Конибодом зиёд карда шавад.
Сипас раиси вилоят собиқадорони кишоварзӣ Неъматҷон Исроилов ва Абдураҳим Мирбобоевро аёдат намуда, ба онҳо кумаки моддӣ расонд. Дар суҳбат бо собиқадорон зикр гардид, ки мақомоти иҷроияи ҳокимияти давлатии вилоят дар доираи дастуру супоришҳои Пешвои миллат, муҳтарам Эмомалӣ Раҳмон нисбати собиқадорони меҳнат ғамхории доимӣ доранд.
Собиқадорони соҳа дар посух ба ғамхорӣ ба ҳукумати кишвар барои фазои орому устувор изҳори сипос намуданд.
Дар ин бора АМИТ «Ховар» бо истинод ба дафтари матбуоти раиси вилояти Суғд хабар медиҳад.
Акс: аз манбаъҳои кушода
