Дар Душанбе дар чаҳорчӯби марҳилаи чаҳоруми лоиҳаи «Такмили масирҳои иртибототи минтақавӣ дар Осиёи Марказӣ (БРАМОМ-4)» маросими баимзорасии Созишнома миёни Ҷумҳурии Тоҷикистон ва Давлати Кувайт дар бораи таъмини хиз-матрасонии консультационй оид ба лоихакашй ва назорати сифати корхои сохтмони монеахои мухофизатй дар участкахои алохидаи роххои автомобильгард дар шароити душвори кухистон.
Ҳуҷҷатро Вазири нақлиёти Ҷумҳурии Тоҷикистон Азим Иброҳим ва ширкати консалтингии Кувайт «Nabeel Abdul-Raheem Consultants (NARCO)», намояндаи ваколатдор/амалиёт ва менеҷери технологияҳои иттилоотӣ Аҳмад Маҳрус Аҳмад Муҳаммад Айш имзо карданд.
Вазифаи ширкати консалтингӣ омӯзиши қитъаҳои хатарноки шоҳроҳҳои дорои аҳамияти байналмилалӣ ва ҷумҳуриявӣ мебошад, ки дар он ҷо мувофиқи талаботи меъёрҳои (стандартҳои) байналмилалӣ бехатарии ҳаракатро беҳтар кардан лозим аст.
Тавассути таҳияи лоиҳаи асоснок, ҳисоботи муфассали муҳандисӣ ва ҳуҷҷатҳои тендерӣ дар қитъаҳои интихобшудаи роҳ корҳои баландсифати сохтмони монеаҳои муҳофизатӣ (VRS – системае, ки мошинро дар хатти ҳаракат нигоҳ медорад) таъмин карда мешавад.
Ширкати Кувайт инчунин барои назорати сохтмон ва такмил додани тарҳҳои панҷараҳои муҳофизатӣ хадамоти машваратӣ пешниҳод мекунад.
Дар ин бора ба АМИТ «Ховар» бо истинод ба маркази матбуоти Вазорати нақлиёти ҷумҳурӣ хабар медиҳад.
Акс: аз манбаъҳои кушода
