Вазири корҳои хориҷии Тоҷикистон Сироҷиддин Муҳриддин дар ҳамоиши «Глобальные ворота» ширкаткунандагонро ба ҳамкорӣ дар коркарди захираҳои табиии дар ҷумҳурӣ мавҷудбуда даъват кард. Дар ин бора Вазорати корҳои хориҷии Тоҷикистон хабар дод.
«Вазири корҳои хориҷӣ ба мавҷудияти захираҳои табиӣ ва унсурҳои нодири замин дар Тоҷикистон, ки кишварҳои пешрафтаи саноатӣ ба онҳо ниёз доранд, ишора кард. Вай аз кишварҳои шарик ва ниҳодҳои молӣ даъват кард, ки барои рушди ҳамкориҳои мутақобилан судманд аз имконоти мавҷуда истифода кунанд», — гуфта мешавад дар хабар.
Зимни суханронӣ сардори раёсати Тоҷикистон ба иқтидори гидроэнергетикии кишвар ишора карда, онро «яке аз муҳимтарин самтҳои гузариши сабз ва манбаи асосии тавлиди гидрогени сабз» хонд. «Тоҷикистон бо қабули Стратегияи «Иқтисоди сабз» барои гузариш ба иқтисоди сабз замина гузошт ва ният дорад, ки то соли 2050 истеҳсоли нерӯи барқро аз манбаъҳои таҷдидшаванда ду баробар афзоиш диҳад», — қайд кард Муҳриддин.
ТАСС хабар медихад.
Акс: аз манбаъҳои кушода
