Рӯзи 23 октябр дар Люксембург дар ҳошияи нишасти вазирони хориҷаи кишварҳои Осиёи Марказӣ ва Иттиҳодияи Аврупо, Сироҷиддин Муҳриддин, вазири умури хориҷии Тоҷикистон, бо Питер Сиярто, вазири умури хориҷӣ ва тиҷорати Венгрия мулоқот кардааст.
Мавзӯъҳои калидии ҳамкориҳои дуҷонибаи Тоҷикистону Венгрия, аз ҷумла дар бахшҳои сиёсӣ, тиҷоратӣ, иқтисодӣ, омӯзишӣ, муҳити зист ва энержӣ баррасӣ шуда, ба зарурати таҳкими минбаъдаи заминаи ҳуқуқии ду кишвар низ таъкид шудааст.
Сарони шӯъбаҳои корҳои хориҷӣ ҳамчунин Ёддошти ҳамкорӣ дар чаҳорчӯби Барномаи стипендияи Маҷористон барои солҳои 2023-2025-ро имзо карданд. Ин санад табодули донишҷӯён байни муассисаҳои олӣ ва ҳамчунин таҳсили ройгони донишҷӯёни тоҷикро дар донишгоҳҳои Маҷористон пешбинӣ мекунад.
Дар ин бора ба АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Акс: аз манбаъҳои кушода
