23 октябр вазири корҳои хориҷии Ҷумҳурии Тоҷикистон Сироҷиддин Муҳриддин дар ҷаласаи вазирони корҳои хориҷии кишварҳои Осиёи Марказӣ ва Иттиҳоди Аврупо ширкат ва суханронӣ кард. Имсол ин нишаст дар Люксембург баргузор шуд ва дар он вазирони хориҷаи кишварҳои узви Иттиҳодияи Аврупо низ ширкат доштанд.
Вазирон дар бораи сатҳ ва дурнамои ҳамкориҳои минтақавӣ табодули назар карданд.
Дар «Харитаи роҳ»-и қабулшудаи ҳамкориҳои Осиёи Марказӣ ва Иттиҳоди Аврупо омодагии кишварҳои Осиёи Марказӣ ва Иттиҳоди Аврупо барои тавсеаи минбаъдаи ҳамкорӣ дар соҳаҳои энергетика, рақамикунонӣ, истихроҷи маъдан ва коркарди ашёи хом, инчунин амният ва таҳкими сарҳадҳо ва устуворӣ ба оқибатҳои тағирёбии иқлим.
Дар поёни нишаст эъломияи муштараки вазирони умури хориҷаи кишварҳои Осиёи Марказӣ ва Иттиҳодияи Аврупо ба тасвиб расид.
Дар ин бора ба АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Акс: Вазорати корхои хоричй Ҷумҳурии Тоҷикистон
