Дар Душанбе ҷашнвораи байналмилалии театрҳои лӯхтаки «Чодари хаёл» кушода шуд. Барои ширкат дар ин ҷашнвора аз Эрон, Қазоқистон, Русия, Тоҷикистон, Туркманистон ва Узбакистон ҳунармандон ва коргардонҳои теотрҳо омадаанд.
Маросими ифтитоҳи ин ҷашнвора, ки бо намоишҳои театрии намояндагии кишварҳои ширкаткунанда ҳамроҳ буд, дар маркази Душанбе дар назди Театри давлатии «Лухтак» баргузор шуд. Дар ин чорабинӣ аз Русия театри вилоятии лӯхтаки Новосибирск ширкат мекунад. «Ин бори аввал аст, ки мо дар ҷашнвора иштирок мекунем, вале мо робитаҳои дерин дорем, мо бачаҳои тошкандро ба ҷашнвораи «Перекресток» даъват кардем, кӯдакон аз Тоҷикистон дар институти театрии мо таҳсил мекарданд. Ба фестиваль спектакли «Се гурба»-ро овардем, ки дар ин чо хеле машхур аст. Умедворем, ки ба тамошобинони маҳаллӣ писанд меояд, мо аз муаллифон иҷоза гирифтем, то дар ин ҷо намоиш дода шавад», — гуфт ба ТАСС Юрий Горлатых, директори театри Новосибирск.
Тавре роҳбари бадеии театри «Лухтак»-и Душанбе Наргис Розиқзода ба оҷонсӣ гуфт, намоишномаҳо ҳам ба забонҳои миллӣ ва ҳам ба забони русӣ баргузор мешаванд. Тӯҳфаи вижае барои меҳмонони ҷашнвораи русзабон маҳсули «Зефир»-и театри Димак аз Теҳрон хоҳад буд. «Театр аз Эрон тасмим гирифт, ки намоишномаи худро ҳам ба забони форсӣ ва ҳам ба забони русӣ намоиш диҳад. Ҳамчунин ба забони русӣ намоишномаи театри тоҷики мо аз шаҳри Бӯстон ба намоиш гузошта мешавад», — гуфт ҳамсӯҳбати агентӣ ва қайд кард, ки дар ҷашнвора озмун баргузор намешавад, ба ҳамаи ширкаткунандагон диплому тӯҳфаҳо тақдим карда мешаванд. Яке аз ҳунармандони теотри эронӣ Шервин Доростӣ дар мусоҳиба бо хабаргузории ТАСС гуфтааст, ки имкони ба ду забон ба саҳна гузоштани ин намоишнома, қисман ба далели таҳсили ӯ дар донишгоҳи русзабон аст.
ТАСС хабар медихад.
Акс: аз манбаъҳои кушода
