Раиси вилояти Суғд Раҷаббой Аҳмадзода бо роҳбарии Гӯзал Тоҷимирзоева бо як гурӯҳ соҳибкорони Ҷумҳурии Ӯзбекистон вохӯрӣ доир намуд.
Раҷаббой Аҳмадзода таъкид кард, ки ба шарофати сиёсати хирадмандона ва дурандешонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва Президенти Ҷумҳурии Ӯзбекистон. муҳтарам Шавкат Мирзиёев, густариши робитаҳои бисёрҷонибаи ду кишвари дӯст идома дорад.
Вилояти Суғди Тоҷикистон бо бисёре аз манотиқи Узбакистон ҳамкориҳои тиҷоративу иқтисодӣ дошта, дар чаҳорчӯби қарордодҳои давлатӣ соҳибкорони ду кишвар тарҳҳои муштаракро амалӣ мекунанд.
Аз ҷумла, дар Гулистон корхонаи арматураи Ҷамъияти дорои масъулияташ маҳдуди «Маҳмуд энд Компани» таъсис дода шуд. Корхона соли 2019 ба истифода дода шуда, асосан арматура истеҳсол мекунад, ки маводи асосӣ дар сохтмони бинову иншооти гуногун, бахусус биноҳои бисёрошёна мебошад.
Соҳибкорони ӯзбек омодагии худро барои таҳкими ҳамкорӣ изҳор доштанд.
Дар ин бора АМИТ «Ховар» бо истинод ба Хадамоти матбуоти раиси вилояти Сугд хабар медидад.
Акс: Хадамоти матбуоти раиси вилояти Суғд
