«Чунин динамикаи мусбат тавассути бунёди объектҳои нави иҷтимоию иқтисодӣ ва корхонаҳои саноатӣ ба даст омад. Дар 9 моҳи соли ҷорӣ дар вилоят 43 ҳазору 883,5 ҷойи нави корӣ таъсис дода шудааст, ки нисбат ба ҳамин давраи соли гузашта 1,8 ҳазор нафар зиёд мебошад», — гуфт як манбаъ дар идораи омори вилоят.
Имсол ба истифода додани 144 корхона ва цехи саноатй пешбинй карда шудааст. Имрӯзҳо 107 корхона ва коргоҳҳои саноатӣ фаъолият доранд, ки дар онҳо 610 ҷойҳои нави корӣ таъсис дода шудаанд. Фаъолияти корхонаҳо ба истеҳсоли гӯшти мурғ, маҳсулоти гӯштӣ, шарбату нӯшокиҳо, макарон, маҳсулоти нонпазӣ ва қаннодӣ, маҳсулоти пластикӣ, маҳсулоти тозакунӣ нигаронида шудааст.
Гайр аз ин, бо иштироки бевосита Президенти Ҷумҳурии Тоҷикистон, муҳтарам Эмомалӣ Раҳмон имсол корхонаи азотӣ дар Левакантро барқарор карданд.
Дар ин бора ба АМИТ «Ховар» бо истинод ба Агентии омори вилоят хабар медиҳад.
Акс: аз манбаъҳои кушода
