Рӯзи 19 октябр мулоқоти консули генералии Ҷумҳурии Тоҷикистон дар Новосибирск Наҷмиддин Имомзода ва губернатори кишвари Красноярск Михаил Котюков баргузор гардид.
Дар мулоқот вазъи кунунӣ ва дурнамои ҳамкориҳои минтақаҳои Тоҷикистон ва кишвари Красноярск мавриди баррасӣ қарор гирифт.
Ҳамчунин зарурати густариши ҳамкорӣ дар соҳаи сайёҳӣ, ҷалби сармоя, тавсеаи ҳамкориҳои тиҷоратию иқтисодӣ зикр гардида, дигар масъалаҳои мавриди таваҷҷуҳи тарафайн низ баррасӣ шуданд.
Консули генералӣ бо мақсади рушди муносибатҳои тиҷоратию иқтисодӣ пешниҳод намуд, ки байни доираҳои тиҷоратии Тоҷикистон ва кишвари Красноярск вохӯриҳо ташкил карда, ба иштироки онҳо дар намоишгоҳҳо ва форумҳои гуногуни байналмилалӣ мусоидат намояд.
Дар ин бора ба АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Акс: аз манбаъҳои кушода
