Рӯзи 19 октябр дар чаҳорчӯби лоиҳаи «Тақвияти низоми тандурустии Тоҷикистон» ба Муассисаи давлатии «Маркази ҷумҳуриявии иммунопрофилактика» 9 адад мошини тамғаи «Toyota Hilux» супурда шуд.
Дар ин маросим намояндагони Вазорати тандурустӣ ва ҳифзи иҷтимоии аҳолии ҷумҳурӣ ва Барномаи рушди СММ дар Тоҷикистон ширкат доштанд.
Мошинҳо дар байни филиалҳои минтақавии Муассисаи давлатии «Маркази ҷумҳуриявии иммунопрофилактика» тақсим карда мешаванд. Ҳазорон нафар дар саросари кишвар имкони беҳтар кардани дастрасӣ ба ваксинаҳоро доранд.
Дар ин бора АМИТ «Ховар» бо истинод ба Вазорати тандурустӣ ва ҳифзи иҷтимоии аҳолии Тоҷикистон хабар медиҳад.
Акс: Вазорати тандурустӣ ва ҳифзи иҷтимоии аҳолии Тоҷикистон
