Намояндагони Қирғизистону Тоҷикистон дар мавриди боз тақрибан 14 километр хати марзӣ миёни ду кишвар ба мувофиқа расиданд. Дар ин бора Девони вазирони Қирғизистон хабар дод.
«Тибқи тавофуқи ҳосилшуда, аз 12 то 18 октябри соли 2023 дар шаҳри Бӯстони вилояти Суғди Ҷумҳурии Тоҷикистон ҷаласаи навбатии гурӯҳҳои кории топографии ҳайатҳои ҳукуматии Ҷумҳурии Қирғизистон ва Ҷумҳурии Тоҷикистон оид ба масъалаҳои Делимитатсия ва демаркатсияи сарҳади давлатии Қирғизистону Тоҷикистон баргузор гардид. Гурӯҳҳои кории топографӣ дар 13,98 км марзи давлатии Қирғизистону Тоҷикистон мувофиқат карданд», — гуфта мешавад дар хабар.
Тавре аз Девони Вазирон маълум карданд, дар ҷамъбасти ҷаласа протоколи дахлдор ба имзо расид.
«Ҷонибҳо дар вохӯрии навбатӣ, ки дар қаламрави Ҷумҳурии Қирғизистон доир мегардад, корҳоро оид ба тавсифи соҳаҳои боқимонда идома медиҳанд», — кайд карда мешавад дар хабар.
ТАСС хабар медихад.
Акс: аз манбаъҳои кушода
