Созмони Jewish Voice for peace хабар медиҳад, ки аз даҳ ҳазор нафаре, ки дар тазоҳуроти ҳимоят аз Фаластин дар Вашингтон ширкат доштанд, тақрибан 500 нафарашон боздошт шуданд.
«Имрӯз 500 яҳудӣ боздошт ва 10 ҳазор нафар барои пуштибонӣ ва талаби оташбас ва қатъи наслкушии фаластиниҳо ба кӯчаҳо рехтанд», — гуфта мешавад дар изхорот.
Намояндагони ин созмон ҳамчунин гуфтаанд, ки яке аз ҳадафҳои гирдиҳамоӣ ҷалби таваҷҷуҳ ба далели ширкати Омрико дар зулми мардуми Фаластин аз сӯи Исроил будааст.
«Кори мо хануз ба охир нарасидааст», — илова карданд
Ёдовар мешавем, ки бархе аз эътирозгарон тавонистаанд ба яке аз биноҳои Капитолия ворид шаванд. Эътирозгарон бо шиорҳо дар даст дар рӯи фарш нишаста, ба ҳимоят аз Фаластин шиор медоданд. Онҳо талаб карданд, ки тирпарронӣ дар навори Ғазза бас карда шавад.
Акс: аз манбаъҳои кушода
