Айман Сафадӣ-вазири корҳои хориҷаи ин кишвар гуфт, ки Урдун тасмим гирифтааст нишасти чаҳорҷониба бо ширкати Ҷо Байден, раиси ҷумҳури Амрико, рӯзи чаҳоршанбеи 18 октябрро лағв кунад, хабар медиҳад шабакаи телевизионии Al Jazeera.
«Мо тасмим гирифтем, ки дар Аммон нишасти чаҳорҷониба баргузор накунем, зеро Вашингтон наметавонад тасмим бигирад, ки ҷангро хотима диҳад», — гуфт Сафади.
Ба гуфтаи вай, ин тасмим пас аз машварат бо Фаластин, Миср ва Амрико гирифта шудааст.
Ба гузориши хабаргузории Al Hadath, Маҳмуд Аббос, раиси ҷумҳури Фаластин, пас аз ҳамла ба бемористони ал-Аҳлӣ дар навори Ғазза аз дидор бо Байден, подшоҳи Урдун Абдуллоҳи дувум ва Абдулфаттоҳ Сисӣ, раиси ҷумҳури Миср, худдорӣ кард. Он бояд 18 октябр баргузор мешуд. Ба гуфтаи котиби кумитаи иҷроияи Ҳаракати миллии озодихоҳии Фаластин Ҳусейн Аш-Шайх, Аббос тасмим гирифтааст, ки ба ватанаш баргардад ва ҷаласаи изтирории ҳукуматро даъват кунад.
Акс: аз манбаъҳои кушода
