Иброҳим Раисӣ, раисиҷумҳури Эрон, Исроил ва Амрикоро дар ҳамлаи мушакӣ ба бемористон дар навори Ғазза муттаҳам кард ва ин ҳодисаро ҷинояти ҷангӣ хонд. Дар ин бора ӯ дар шабакаи иҷтимоии X (собиқ Твиттер) рӯзи чаҳоршанбеи 18 октябр навишт.
«Оташи бомбҳои амрикоиву исроилӣ ба рӯи фаластиниёни бегуноҳ дар бемористони Ғазза, ки имшаб партофта шуд, ба зудӣ саҳюнистҳоро фаро хоҳад гирифт. Хомӯшии як одами озод дар баробари ин гуна ҷинояти ҷангӣ қобили қабул нест», — Раис изхор намуд.
Раисиҷумҳур ҳамчунин изҳори тасаллият кард ва гуфт, ки марги одамон дар бемористони Ғазза андӯҳи тамоми Эрон аст.
Аз ин пеш, рӯзи 17 октябр ба бемористони баптистҳо дар навори Ғазза ҳамлаи мушакӣ зада шуд. Ба иттилои вазорати тандурустии навори Ғазза, аксари қурбониён занону кӯдакон буда, беш аз 800 нафар кушта ва захмӣ шудаанд.
Акс: Global Look Press/dpa/Mohammed Talatene
