Бо Қарори Раиси шаҳри Душанбе, муҳтарам Рустами Эмомалӣ нақшаи чорабиниҳои Мақомоти иҷроияи ҳокимияти давлатии шаҳри Душанбе оид ба омодагӣ ва таҷлили Рӯзи Конститутсияи Ҷумҳурии Тоҷикистон тасдиқ карда шуд.
Тибқи қарори мазкур бо мақсади дар сатҳи баланд таҷлил намудани Рӯзи Конститутсияи Ҷумҳурии Тоҷикистон дар тамоми муассисаю ташкилотҳои Мақомоти иҷроияи ҳокимияти давлатии шаҳри Душанбе ва воҳидҳои он вохӯриву суҳбату вохӯриҳо ва чорабиниҳои фарҳангӣ ва бахшида ба аҳамияти таърихии ин санади тақдирсоз дар рушди кишвар бо иштироки мутахассисони соҳа барномаҳои фароғатӣ баргузор мегарданд.
Ёдовар мешавем, ки 29 сол пеш, 6 ноябри соли 1994 дар таърихи Ҷумҳурии Тоҷикистон воқеаи муҳим ба вуқӯъ пайваст. Мардуми тоҷик бори аввал дар таърихи беш аз ҳазорсолаи давлатдорӣ Конститутсияи Ҷумҳурии Тоҷикистонро тавассути раъйпурсии умумихалқӣ қабул кард. Вобаста ба ин, 6 ноябр таҷлили Рӯзи Конститутсияи Ҷумҳурии Тоҷикистон баргузор мегардад, ки ин яке аз санаҳои асосии миллии мост.
Сарқонуни Тоҷикистон, ки аз 10 боб ва 100 модда иборат аст, яке аз беҳтарин Конститутсияҳои ҷаҳон эътироф шудааст.
Конститутсияи Тоҷикистон ҳамчун қонуни асосӣ асосҳои ҳуқуқии давлат, дахлнопазирӣ ва якпорчагии кишвар, манфиатҳои миллӣ, ҳадафҳои сиёсати дохилӣ ва хориҷӣ, асосҳои иҷтимоию иқтисодии ҷомеаи Тоҷикистонро муайян кардааст.
Дар ин бора ба АМИТ «Ховар» бо истинод ба шуъбаи иттифоки дастгохи шахри Душанбе хабар медидад.
Акс: АМИТ «Ховар»
