Дар Олмон шахсони номаълум чанд хонаи яҳудиро бо Ситораи Довуд қайд карданд. Дар ин бора раиси Иттиҳодияи донишҷӯёни яҳудии Олмон (JSUD) Анна Старосельская дар шабакаҳои иҷтимоӣ хабар дод.
Ба ҳамин монанд, хонаҳои яҳудиён дар замони диктатураи фашистӣ аломатгузорӣ шуда буданд, зеро онҳо маҷбур буданд, ки дар либоси худ ин рамзро пӯшанд, то онҳоро аз гурӯҳҳои дигари аҳолӣ фарқ кунанд.
Пулиси Олмон ин ҳодисаро таҳқиқ мекунад. Тадбирҳои амниятӣ дар ҷамъиятҳои яҳудиён пурзӯр карда шуданд.
Қаблан Стефан Крамер, сардори шӯъбаи ҳифзи Қонуни асосии Тюрингия гуфта буд, ки дар Олмон хатари ҳамлаҳои оммавӣ ба созмонҳои яҳудӣ ва исроилӣ дар пасманзари низоъ дар Ховари Миёна афзоиш меёбад. Вай гуфт, ки баъзе фаластиниҳо ошкоро ба такрори Кристаллнахт, як силсила ҳамлаҳои ҳамоҳангшуда ба яҳудиён дар Олмони фашистӣ даъват мекунанд.
Вай афзуд, шиорҳои зидди яҳудӣ дар Олмон бештар маъмул мешаванд ва ҷонибдорони фаластинӣ ба хушунати ошкор алайҳи яҳудиён, ниҳодҳо ва канисаҳои онҳо дар саросари ҷаҳон даъват мекунанд. Ҳамзамон Крамер иқрор шуд, ки ба далели танишҳои сиёсӣ дар дохили Олмон, ҳама мусулмонон ва муҳоҷирон дар оянда метавонанд барои терроризми Ҳамос муттаҳид шаванд. Ба эътиқоди вазир, ин амалҳо метавонанд ба сатҳи боз ҳам бештари бегонаситезӣ дар кишвар оварда расонанд.
Акс: аз манбаъҳои кушода
