Рӯзи 15 октябр дар боғи фарҳангу фароғати ба номи Абулқосим Фирдавсии пойтахт ҷашни Меҳргон таҷлил мешавад.
Дехконони тамоми гушаю канорхои мамлакат махсулоти тару тозаи хочагии кишлок — навъхои гуногуни зироат, сабзавот ва меваро намоиш медиханд.
Ҳамчунин, беҳтарин соҳибхоназанҳо таомҳои миллӣ омода карда, ҳунармандони мардумӣ ба сокинону меҳмонони пойтахт маҳсулоти дастӣ пешкаш мекунанд. Дар ин рӯз барномаи фарҳангӣ-театрӣ ба нақша гирифта шуда, ба иштирокчиён ва деҳқонон ифтихорнома ва туҳфаҳо тақдим карда мешавад.
Ёдовар мешавем, ки Меҳргон тибқи Қарори Ҳукумати Ҷумҳурии Тоҷикистон аз 5 августи соли 2009 дар ҷумҳурӣ ҳамчун иди миллӣ таҷлил карда мешавад. Пешвои миллат, муҳтарам Эмомалӣ Раҳмон қайд намуданд: «Меҳргон яке аз қадимтарин ҷашнҳои мардуми ориёитабор буда, ниёгони мо онро ҳамчун арҷгузорӣ ва ситоиши Меҳр ё Мита, рамзи аҳду паймон, дӯстӣ ва хайрхоҳӣ арҷ гузоштаанд. Меҳргон ҷашни ҳосили деҳқон, фаровонӣ, шодӣ, дӯстӣ, рафоқат, ваҳдат, меҳру садоқат аст».
Меҳргон ҳамасола дар саросари ҷумҳурӣ мисли дигар ҷашнҳои таърихӣ – Наврӯз, Сада, Тиргон таҷлил мегардад.
Дар ин бора ба АМИТ «Ховар» бо истинод ба Вазорати кишоварзии Ҷумҳурии Тоҷикистон хабар медиҳад.
Акс: АМИТ «Ховар»
