Маъмурияти президенти ИМА бар ин бовар аст, ки Исроил дар давоми як ё ду рӯз алайҳи Ҳамос амалиёти густурдаи заминиро оғоз хоҳад кард, менависад The Washington Post бо такя ба манобеъи ҳукумати Иёлоти Муттаҳида.
«Мақомоти Амрико интизор доранд, ки Исроил дар тӯли 24 то 48 соати оянда ба думболи ҳамлаи мураккаби Ҳамос дар рӯзи шанбе, ки беш аз 700 исроилӣ кушта шуд, алайҳи гурӯҳи тундрав як ҳамлаи густурдаи заминӣ оғоз кунад», — нашрия мегӯяд.
Муаллифони матлаб ҳамчунин гуфтаанд, ки Байтулмуқаддас хостааст, ҳамкориҳоро бо Вашингтон дар табодули иттилоъоти истихборотӣ дар бораи авзоъ дар ҷануби Лубнон дар пасманзари тирборони ҷангҷӯён афзоиш диҳад.
Акс: аз манбаъҳои кушода
