Рӯзи 4 октябр дар Душанбе идораҳои ҳавошиносии Тоҷикистон ва Финландия масъалаи гузариш ба фанновариҳои нав барои беҳбуди пешгӯиро баррасӣ карданд.
Мутахассисони Агентӣ ба иштирокчиён оид ба масъалаҳои тағйирёбии иқлим дар Ҷумҳурии Тоҷикистон ва мониторинги ифлосшавии ҳаво маълумот пешниҳод намуданд. Дурнамои ҳамкорӣ дар соҳаи рушд дар соҳаи огоҳсозии пешакӣ ва идоракунии хатари офатҳои табиӣ, такмили системаи мониторинги сифати ҳавои атмосфера, гузариш ба технологияҳои нави беҳтар намудани пешгӯиҳо ва сифати маҳсулоти гидрометеорологӣ баррасӣ шуд.
Тавре хабар дода шуд, ҳамкориҳо миёни Агентии обуҳавошиносии Тоҷикистон ва Донишкадаи обуҳавошиносии Финландия соли 2013 дар чаҳорчӯби Ёддошти тафоҳум миёни Ҷумҳурии Финландия ва Ҷумҳурии Тоҷикистон оғоз гардида буд.
Дар ин бора ба АМИТ «Ховар» бо истинод ба Агентии обуҳавошиносии кишвар хабар медиҳад.
Акс: аз манбаъҳои кушода
