Рӯзи 7 октябр дар Маҷмааи варзишии бисёрфунксионалии Душанбе – Қасри теннис ва варзиши обии Душанбе мусобиқаи интихобии Ҷоми футзали Осиё-2024 дар гурӯҳи «Е» оғоз шуд. Дастаҳои Тоҷикистон, Мянмар, Фаластин ва Ҳиндустон барои роҳхат ба қисми ниҳоии қаҳрамонии Осиё мубориза мебаранд.
Дар остонаи оғози даври интихобӣ дар меҳмонхонаи «Серена»-и Душанбе вохӯрии пешазинтихоботӣ баргузор гардид. Дар он масъулин – комиссарон, нозири доварон, намояндагони Федератсияи футболи Тоҷикистон, менеҷерони дастаҳои миллии футзали Тоҷикистон, Мянмар, Фаластин ва Мянмар ширкат доштанд. Дар ҷаласа аз ҷумлаи дигар масъалаҳо, рангҳои либоси бозӣ, ки дастаҳо бо онҳо бозӣ мекунанд, тасвиб шуд.
Дастаи мунтахаби Тоҷикистон дар даври аввали марҳилаи интихобии Ҷоми Осиё-2024 рӯзи 7 октябр бо тими Ҳиндустон бозӣ мекунад. Дастаи Пайрав Воҳидов рӯзи 9 октябр дар даври дуввум бо футзалбозони Фаластин рақобат мекунад. Ва дар даври ниҳоӣ рӯзи 11 октябр тими мо бо тими Мянмар бозӣ хоҳад кард. Ҳамаи бозиҳо дар Маҷмааи варзишии бисёрсоҳаи Душанбе баргузор мешаванд.
Дар ин бора ба АМИТ «Ховар» бо истинод ба Федератсияи футболи Точикистон хабар медидад.
АКС: Федератсияи футболи Тоҷикистон
