Раҳбарияти филиали IRS дар Тоҷикистон тасмим гирифт, ки дар қитъаҳои роҳи «Душанбе — Чанак» аломатҳои уфуқии инъикоскунанда гузоранд.
Роҳбарият пешниҳодҳо, саволҳо ва хоҳишҳои ронандагону мусофиронро, ки тавассути шабакаҳои иҷтимоӣ ва ба суроғаи ширкат расидаанд, мавриди таҳлилу баррасӣ қарор доданд. Ронандагон пешниҳод карданд, ки роҳро бо рангҳои инъикоскунанда аломатгузорӣ кунанд.
Пешниҳод аз ҷониби роҳбарият пазируфта шуда, дар қитъаи Зарафшон навсозии аломатҳои хатсайр оғоз гардид. Роҳҳои дорои аломатҳои инъикоскунанда бехатарии ҳаракати нақлиётро шабона беҳтар мекунанд.
АМИТ «Ховар» бо такя ба дафтари матбуоти филиали IRS дар Тоҷикистон хабар медиҳад.
Акс: аз манбаъҳои кушода
