Таҷрибаи андӯхтаи мутахассисони тоҷик ҳангоми ҳамкорӣ бо кормандони ширкати «Росатом» дар барқарорсозии собиқ кони урани Табошар дар вилояти Суғд барои мелиоративии дигар мавзеъҳои мушобеҳ дар Тоҷикистон истифода хоҳад шуд. Дар ин бора аз Вазорати саноат ва технологияҳои нави ҷумҳурӣ хабар доданд.
«Қайд кардан муҳим аст, ки таҷрибаи андӯхтаи пудратчиёни мутахассис, чи аз ҷониби Русия ва ҳам мутахассисони тоҷик дар барқарорсозии мавзеъҳои ураниуми Табошар барои иҷрои чунин корҳо дар дигар объектҳои мероси ураниуми Ҷумҳурии Тоҷикистон замина фароҳам меорад.», — гуфта мешавад дар хабар.
Рӯзи 3 октябр дар ноҳияи Истиклол маросими пӯшидашавии лоиҳаи барқарорсозии кони урани «Табошар» баргузор шуд, ки аз ҷониби Росатом бо ширкати мутахассисони тоҷик амалӣ гардид. Дар ин маросим вазири саноат ва технологияҳои нави ҷумҳурӣ Шералӣ Кабир, муовини директори генералии «Росатом» Николай Спасский ва ҳамчунин раиси вилояти Суғди Тоҷикистон Раҷаббой Аҳмадзода ширкат доштанд. Тибқи иттилои «Росатом», кор пеш аз мӯҳлат анҷом ёфт.
ТАСС хабар медихад.
Акс: аз манбаъҳои кушода
