Қирғизистон ва Тоҷикистон қасд доранд, дар ояндаи наздик раванди таъйини қитъаи муштараки марзро анҷом диҳанд. Дар ин бора муовини раиси ҳукумати Қирғизистон, раиси Кумитаи давлатии амнияти миллии (КДАМ) Камчибек Ташиев дар шарҳи музокироти ҳайатҳои ҳукуматии ду кишвар изҳор дошт.
«Мо ба наздикй дар бораи ба охир расондани муайян кардани тамоми сархадхои давлатй карори катъй кабул мекунем», — гуфт у.
Ба гуфтаи ӯ, дар мулоқоти ҳайатҳои ҳукуматӣ санаде ба имзо расид, ки ба ҷонибҳо имкон медиҳад, ки «ҳамаи масъалаҳои марзиро ҳал кунанд».
Рӯзи 2 октябр дар маркази вилояти Бодканди Қирғизистон мулоқоти намояндагони Қирғизистону Тоҷикистон дар масъалаи таъйини марз баргузор шуд. Дар музокирот ҷониби Қирғизистонро Ташиев, ҷониби Тоҷикистонро — раиси Кумитаи давлатии амнияти миллии Тоҷикистон Саймумин Ятимов раҳбарӣ карданд.
Қобили зикр аст, ки дарозии марз миёни Қирғизистону Тоҷикистон ҳудуди 980 километрро ташкил медиҳад. Музокирот оид ба аломатгузории он (муайян кардани сарҳади давлатӣ бо тавсифи гузариши он ва кашидани харита) аз моҳи декабри соли 2002 идома дорад.
ТАСС хабар медихад.
Акс: аз манбаъҳои кушода
