28 сентябр вохӯрии муовини раиси Кумитаи ҳифзи муҳити зисти назди Ҳукумати Ҷумҳурии Тоҷикистон Мавлодод А.М. бо мушовири калони директори иҷроияи UNOPS (Дафтари СММ оид ба хадамоти лоиҳавӣ) оид ба рушди шарикӣ бо ҷаноби Растислав Вирбенский, хабар медиҳад хадамоти матбуоти Кумита.
Дар мулоқот масоили ҳамкориҳои дуҷониба дар заминаи ҳифзи муҳити зист, тағирёбии иқлим, идоракунии партовҳо ва биёбоншавӣ баррасӣ шуданд.
Муовини раиси Кумита зарурати ироаи кумакҳои фаннӣ барои омӯзиши вазъи пиряхҳо, таҷдиди озмоишгоҳҳо ва таҷҳизоти моддию техникии Маркази минтақавии идоракунии партовҳои Осиёи Марказӣ дар шаҳри Душанберо таъкид кард.
Ҳамчунин омодагии павильони Тоҷикистон дар COP-28 дар Дубай баррасӣ шуд. Кумита аз роҳбарияти UNOPS даъват кард, ки имкони пешниҳоди маводи иттилоотӣ ва баргузории чорабинии сайтӣ дар павильони Тоҷикистонро баррасӣ кунад.
Ҷаноби Растислав Вирбенский ба иштироки павильони Тоҷикистон ва таҳкими ҳамкориҳои Кумита ва UNOPS таваҷҷӯҳ зоҳир намуд.
Акс: аз манбаъҳои кушода
