Сохтмони бинои нави театри ба номи Владимир Маяковский дар Душанбе бо кумаки Русия дар ояндаи наздик оғоз мешавад. Дар ин бора Марат Хуснуллин, муовини сарвазири Федератсияи Русия зимни суханронӣ дар ҳамоиши байналмилалии сармоягузории «Душанбе-2023» изҳор дошт.
«Барои Русия равобит бо Тоҷикистон на танҳо иқтисоду сармоягузорӣ, балки ҳамкориҳои густурдаи фарҳангӣ ва башардӯстона аст. Дар вактхои наздик мо ба ичрои лоихаи сохтмони театри драмавии ба номи Маяковский шуруъ мекунем. Ин боз як мисоли он аст, ки сармоягузории Русия дар рушди ҳаёти фарҳангии шаҳри Душанбе саҳми арзанда хоҳад гузошт», — гуфт у.
Ӯ ҳамчунин ёдовар шуд, ки дар шаҳри Душанбе як маркази таълимии кӯдакони лаёқатманд пайдо мешавад. «Ин лоиҳа ба шарофати сарони кишварҳои мо – Владимир Владимирович Путин ва Эмомалӣ Раҳмон имконпазир гардид», – гуфт муовини сарвазири Федератсияи Русия.
Хуснуллин ҳамчунин ба раиси палатаи болоии парлумони Тоҷикистон ва раиси шаҳри Душанбе Рустами Эмомалӣ барои ҳалли фаврии масъалаҳои марбут ба татбиқи лоиҳаҳои муштарак изҳори сипос намуд.
ТАСС хабар медихад.
Акс: АМИТ «Ховар»
