Дар ҳошияи Форуми байналмилалии сармоягузорӣ дар Душанбе муовини раиси шаҳр Абдураҳмон Абдураҳмонзода бо директори иҷроияи ширкати «Bina Puri» Файзам Хон мулоқот намуд.
Зимни мулоқот муовини раиси шаҳр меҳмонро ба пойтахти Ҷумҳурии Тоҷикистон – шаҳри Душанбе самимона пазироӣ намуда, мулоқоти имрӯзаро барои роҳандозии ҳамкориҳои мутақобилан судманд имкони мусоид арзёбӣ кард.
Дар навбати худ Файзамхон барои истиқболи самимӣ ва имкони баррасии масъалаҳои мавриди таваҷҷуҳ изҳори сипос намуда, фазои мусоиди сармоягузории Душанберо ҷолиб номид ва дар бораи фаъолияти ширкати «Bina Puri» маълумот дод.
Дар натиҷа ҷонибҳо тасмим гирифтанд, ки минбаъд низ ба масъалаи баррасишаванда таваҷҷуҳ зоҳир намуда, ҷиҳати татбиқи он чораҳо андешанд.
Дар ин бора ба АМИТ «Ховар» бо истинод ба шӯъбаи иттилооти дастгоҳи раиси шаҳри Душанбе хабар медиҳад.
АКС: шуъбаи ахбороти дастгохи раиси шахри Душанбе
