26 шаҳрванди Тоҷикистон, ки аз моҳи апрели соли ҷорӣ дар як маркази хориҷиён дар вилояти Владимир дар чаҳорчӯби парвандаи ҷиноӣ оид ба ташкили муҳоҷирати ғайриқонунӣ нигаҳдорӣ мешуданд, ба ватанашон баргардонида мешаванд. Дар ин бора дар шӯрои ҷамъиятии назди сафорати ҷумҳурӣ дар Маскав хабар доданд.
«Бо мусоидати намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия 26 нафар шаҳрвандони Ҷумҳурии Тоҷикистон, ки аз моҳи апрели соли равон дар боздоштгоҳи муваққатии шаҳрвандони хориҷӣ дар вилояти Владимир қарор доранд имсол ба Ватан баргардонда мешаванд», — гуфта мешавад дар хабар.
Гуфта мешавад, ки ба ин муносибат намояндагони вазорати Тоҷикистон бо раиси боздоштгоҳи муваққатӣ ва ҳамчунин намояндаи хадамоти иҷроияи судӣ мулоқот кардаанд. Нахустин гурӯҳи нӯҳнафарӣ рӯзи 26 сентябр фиристода шуда буд, боқимондаҳо 28 сентябр ба Ватан баргардонида мешаванд. Ба гуфтаи шӯрои ҷамъиятӣ, шаҳрвандони ҷумҳурӣ пас аз боз кардани парвандаи ҷиноӣ бо иттиҳоми ташкили муҳоҷирати ғайриқонунӣ алайҳи раҳбарияти як ширкати маҳаллӣ дар ин марказ нигаҳдорӣ мешуданд.
ТАСС хабар медихад.
Акс: аз манбаъҳои кушода
