26 сентябр дар шаҳри Рига (Латвия) мулоқоти сатҳи баланд барои роҳбарони мақомоти омори кишварҳои ҳамсояи Аврупои Шарқӣ ва Осиёи Марказӣ дар мавзӯи «Навсозии низоми омор» оғоз гардид, ки дар он ҳайати Ҷумҳурии Тоҷикистон таҳти роҳбарии директори Агентии омори назди Президенти Ҷумҳурии Тоҷикистон Ҷамшед Нурмаҳмадзода иштирок намуданд.
Директори Агентии омор дар мавзӯи «Таҷдиди низоми омори миллӣ», оид ба натиҷаҳои сиёсати пешгирифтаи Ҳукумати Ҷумҳурии Тоҷикистон дар соҳаи рушди иҷтимоию иқтисодӣ ва дастовардҳои соҳа суханронӣ намуд.
Чорабинии сатҳи баланд дар мавзӯи “Таҷдиди низоми омор” ҳамасола аз ҷониби Омори Аврупо дар ҳамкорӣ бо Ассотсиатсияи тиҷорати озоди Аврупо (EFTA) ва Комиссияи иқтисодии СММ оид ба Аврупо (UNECE) ташкил карда мешавад, ки ба мақомоти миллии омор имкон медиҳад, ки тамоми мушкилот ва пешрафтҳои соҳаи омор. Ҳадафи аслии ҷаласаи навбатӣ баррасии масъалаҳои рушди соҳаи омор дар 12 моҳи охир ва ҳамкориҳои байналмилалӣ ҷиҳати пешбурди низоми омор мебошад.
Чорабинӣ то 28 сентябр идома ёфта, намояндагони мақомоти омори Тоҷикистон бо маърӯзаи навбатии худ оид ба дастовардҳо ва нақшаҳои таҷдиди минбаъдаи низоми омори миллӣ пешниҳод хоҳанд кард.
Дар доираи чорабинӣ мулоқоти ҳайати Агентии омор бо намояндагони омори Аврупо, Комиссияи иқтисодии СММ оид ба Аврупо ва ниҳодҳои омори дигар кишварҳо, инчунин табодули афкор оид ба масъалаҳои ҳамкориҳои минбаъда дар назар аст. .
Дар ин бора АМИТ «Ховар» бо истинод ба Агентии омор хабар дод.
Акс: аз манбаъҳои кушода
