Имрӯз дар Душанбе зимни мулоқоти директори Осорхонаи миллии Тоҷикистон Зафаршо Иброҳимзода бо Сафири Фавқулода ва Мухтори Ҷумҳурии Исломии Покистон дар Тоҷикистон Муҳаммад Саид Сарвар, сатҳи кунунии равобити осорхонаҳои миллии Тоҷикистону Покистон мухокима карда шуд.
Ҷонибҳо масъалаҳои таҳкими ҳамкорӣ дар соҳаҳои гуногуни фаъолият, аз қабили табодули таҷриба, омода ва нашри мақолаҳои илмӣ, иштирок дар намоишгоҳу чорабиниҳои ҳамдигарро баррасӣ намуданд.
Зимнан зикр гардид, ки Осорхонаи миллии Тоҷикистон барои беҳбуди фаъолияти худ, дар сатҳи шоиста муаррифии таъриху фарҳанги халқи тоҷик ба рушди муносибатҳои байналмилалӣ таваҷҷуҳи хоса зоҳир менамояд.
Дар ин бора ба АМИТ «Ховар» бо истинод ба Осорхонаи миллии Тоҷикистон хабар медиҳад.
Акс: аз манбаъҳои кушода
