Арарат Мирзоян, вазири умури хориҷаи Арманистон дар иҷлоси 78-уми Маҷмаи Умумии СММ дар бораи авзоъ дар Қарабоғи Кӯҳӣ ҳарф зада, аз Озарбойҷон даъват кард, то тааҳҳудоти худро иҷро кунад ва озодии рафтуомад тавассути долони Лочинро таъмин кунад ва ҳамчунин нерӯҳои низомиро аз Қарабоғ берун кашад.
«Дар ин ҳамлаи ғайриинсонӣ тамоми қаламрави Қарабоғи Кӯҳӣ, Степанакерт ва дигар шаҳру шаҳракҳо бо истифода аз техникаи вазнини ҳарбӣ: мушакҳо, тӯпхонаҳо, ҳавопаймоҳои бесарнишин, ҳавопаймоҳо, аз ҷумла бомбаҳои манъшудаи кассетӣ мавриди бомбаборони шадид ва густарда қарор гирифтанд», — гуфт у.
Ба гуфтаи ӯ, дар натиҷа беш аз 200 нафар ба ҳалокат расида, 400 нафари дигар захмӣ шудаанд ва сарнавишти «садҳо нафар» маълум нест. Илова бар ин, 30% аҳолии Қарабоғ овораи дохилӣ шуданд.
Акс: аз манбаъҳои кушода
