Вазири корҳои хориҷии Тоҷикистон Сироҷиддин Муҳриддин бо намояндаи вижаи раисиҷумҳури Русия дар умури иқлим Руслан Эделгериев мулоқот кардааст. Дар ин бора дафтари матбуоти Вазорати корҳои хориҷии ҷумҳурӣ хабар дод.
«Зимни мулоқот масъалаҳои муҳими ҳамкориҳои Ҷумҳурии Тоҷикистон ва Федератсияи Россия, инчунин масъалаҳои марбут ба рӯзномаи ҷаҳонии захираҳои об ва иқлим мавриди баррасӣ қарор гирифтанд», — гуфта мешавад дар хабар.
Мулоқот дар иҷлосияи 78-уми Маҷмаи Умумии СММ дар Ню Йорк баргузор шуд.
Моҳи ноябри соли гузашта дар конфронси тағйири иқлими СММ дар Шарм-уш-Шайх Эделгериев хабар дода буд, ки Русия аз ташаббуси Тоҷикистон дар мавриди эълони соли 2025-ро Соли ҳифзи пиряхҳо истиқбол кард ва баъдан СММ дар бораи ин пешниҳод қатънома қабул кард. Зимни суханронии худ дар мубоҳисаи умумии сиёсӣ дар иҷлосияи маҷлис масоили тағйири иқлимро раисиҷумҳури Тоҷикистон матраҳ карда, аз кишварҳо хостааст, ки барои иҷрои ин қатънома талошҳои худро муттаҳид кунанд.
ТАСС хабар медихад.
Акс: аз манбаъҳои кушода
