Сироҷиддин Муҳриддин, вазири умури хориҷии Тоҷикистон, аз кишварҳои узви Созмони Ҳамкориҳои Шонгҳой (СҲШ) ва СММ даъват кард, ки дар масъалаи қочоқи маводи мухаддир аз Афғонистон муколамаи доимиро идома диҳанд. Дар ин бора Вазорати корҳои хориҷии Тоҷикистон хабар дод.
Ба иттилои вазорат, Муҳриддин дар ҷаласаи ғайринавбатии вазирони корҳои хориҷии кишварҳои узви СҲШ, ки дар ҳошияи иҷлосияи 78-уми Маҷмаи Умумии СММ баргузор шуд, чунин изҳорот додааст. «Вазири корҳои хориҷии Тоҷикистон ҳамчунин бар аҳамияти муколамаи доимии СҲШ ва СММ оид ба масъалаҳои муқовимат бо таҳдиди маводи мухаддир, ки аз қаламрави Афғонистон сар мезанад, таъкид кард», — омадааст дар хабар.
Муҳриддин ҳамчунин қайд кард, ки созмонҳои минтақавӣ, аз қабили СҲШ дар мукаммалгардонии талошҳои СММ дар муқобила бо таҳдидҳо нақши муҳим доранд.
ТАСС хабар медихад.
Акс: аз манбаъҳои кушода
