Тоҷикистон амалҳои таҳқири Қуръон ва дигар китобҳои муқаддасро маҳкум карда, ба таҳаммулпазирӣ даъват мекунад. Дар ин бора Эмомалӣ Раҳмон, раисиҷумҳури ҷумҳурӣ, зимни суханронӣ дар мубоҳисаи умумии сиёсӣ дар иҷлосияи 78-уми Маҷмаи Умумии СММ изҳор дошт.
«Тоҷикистон ҳама гуна таҳқир ба аҳкоми муқаддаси эътиқоди мардум, аз ҷумла Қуръони карим ё дигар арзишҳои тамаддуниву динии башариятро маҳкум мекунад», — гуфт Эмомалӣ Раҳмон.
Вай қайд кард, ки таҳқир ба эҳсоси диндорон, инчунин «нафрату зӯроварӣ нисбат ба ҳама гуна дину эътиқод оқибатҳои фоҷиабор дорад». Эмомалӣ Раҳмон аз минбари СММ ба таблиғи ғояҳои сулҳ даъват кард. «Мо чунин мешуморем, ки тарғиби ғояҳои таҳаммулпазирӣ ва сулҳ беҳтарин воситаи муқовимат ба иғвогарӣ, ҷудоихоҳӣ, мутаассибӣ, ифротгароӣ ва радикализм мебошад. Биёед, бар хилофи амалҳое, ки моро аз ҳам ҷудо мекунанд, муттаҳид шавем ва ба ҷои он ба сӯи ҷомеае, ки бар эҳтиром ва эътирофи шаъну шарафи ҳамдигар асос ёфтааст, ҳаракат кунем», – гуфт президент.
Раҳмон бо қироати сатрҳо аз ашъори шоир ва мутафаккири тоҷику форс Саъдии Шерозӣ суханрониашро анҷом дод.
ТАСС хабар медихад.
Акс: аз манбаъҳои кушода
