Дар ду соли ахир, ки ҷонибдорони ҷунбиши тундрави «Толибон» дар Афғонистон қудратро ба даст оварданд, аз ҷониби мақомоти салоҳиятдори Тоҷикистон дар сархади Тоҷикистон бо Афғонистон беш аз 10 тонна маводи мухаддир мусодира карда шуд. Дар ин бора Эмомалӣ Раҳмон, раисиҷумҳури Тоҷикистон, дар иҷлосияи 78-уми Маҷмаи Умумии СММ дар Ню-Йорк изҳор дошт.
«Қочоқи маводи мухаддир, бахусус аз Афғонистон, дар ду соли ахир ба таври қобили мулоҳиза афзоиш ёфтааст. Дар ин муддат мақомоти салоҳиятдори Тоҷикистон дар марз бо ин кишвар беш аз 10 тонна маводи мухаддирро мусодира кардаанд, ки нисбат ба солҳои қаблӣ ба маротиб бештар аст», — гуфт сардори давлат. Вай таъкид кард, ки вокуниш ба таҳдидҳои афзояндаи терроризм, ифротгароӣ, қочоқи маводи мухаддир ва дигар таҳдидҳои ҷаҳонӣ бояд ҳамаҷониба бошад.
Дар ҳамин ҳол, раиси ҷумҳури Тоҷикистон таъкид кард, ки Афғонистон то ҳол дар вазъияти душвори сиёсӣ, иқтисодӣ ва иҷтимоӣ қарор дорад. «Ин бузургтарин бӯҳрони башарӣ дар ҷаҳон аст” гуфт Раҳмон ва афзуд, амният, субот ва ҳамкориҳои минтақавӣ дар Осиёи Марказӣ мустақиман ба вазъи Афғонистон бастагӣ дорад. Дар ин замина ӯ заминаи муҳими “ба даст овардани сулҳу субот дар Афғонистонро таъсиси муколамаи байни афғонҳо ва таъсиси ҳукумати воқеан фарогир бо иштироки намояндагони тамоми гурӯҳҳои этникӣ, сиёсӣ ва иҷтимоӣ» номид.
ТАСС хабар медихад.
Акс: аз манбаъҳои кушода
