Ҳунарпешаи австралиягӣ Ҳю Ҷекман аз шарҳи раванди талоқаш худдорӣ мекунад. Бо вуҷуди ин, атрофиёни ситораи Ҳолливуд дар бораи он ки чӣ боиси тағйироти ҷиддие дар ҳаёти шахсии машҳур шуд, сӯҳбат карданд. Тибқи иттилои Daily Mail, иттиҳоди Ҷекман бо ҳунарпешаи амрикоӣ Деборра-Ли Фурнесс метавонад пас аз 27 сол бар асари пандемия аз коронавирус вайрон шавад.
«Дар солҳои охир муҳаббати онҳо бештар ба дӯстӣ мубаддал шуд, махсусан дар давраи Ковид. Маҳдудият издивоҷи онҳоро мустаҳкам накард, балки онро зери хатар гузошт», —як манбаи наздик ба ҷуфти Ҳолливуд ба нашрия хабар дод.
Ёдовар мешавем, ки як рӯз пеш Ҳю Ҷекман, ки аз намунаи мардони хонаводагӣ дар Ҳолливуд маҳсуб мешуд, бо хабари ҷудошавӣ мухлисонро дар ҳайрат гузошт. Ӯ бо Деборра-Ли Фурнесси амрикоӣ 27 сол издивоҷ кард ва онҳо якҷоя ду фарзанди фарзандхондаро ба воя расониданд. Ҳю ҳоло 54-сола ва Дебора 67-солаанд, аммо маълум аст, ки фарқияти синну сол ҳеҷ гоҳ барои онҳо мушкил набуд.
Акс: аз манбаъҳои кушода
