Иттиҳодияи Аврупо (ИА) шабакаи иҷтимоии TikTok-ро барои зери хатар гузоштан ба маълумоти кӯдакон 345 миллион евро ҷарима кард. Дар ин бора Bloomberg рӯзи 15 сентябр бо такя ба қарори Комиссияи ҳифзи маълумоти Ирландия хабар дод.
«TikTok, як барномаи табодули видео дар шабакаҳои иҷтимоӣ, ки бар асари иртиботаш бо Чин ба вокунишҳои ҷаҳонӣ рӯбарӯ шудааст, дар Иттиҳодияи Аврупо барои иштибоҳ дар шеваи коркарди маълумоти шахсии кӯдакон ба маблағи 345 миллион евро (368 миллион доллар) ҷарима шуд», — журналистон кайд мекунанд.
Ба гуфтаи комиссия, TikTok ноболиғонро аз коркарди маълумоти нолозим муҳофизат карда натавонист ва ба таври ғайришаффоф амал кард. Агентие, ки ширкатро назорат мекунад, зеро пойгоҳи ИА дар Дублин ҷойгир аст, ба ТикТок ультиматуми се моҳ додааст. Тибқи он, TikTok бояд маълумоти худро мувофиқи Қоидаи қатъии Иттиҳоди Аврупо оид ба ҳифзи маълумот (GDPR) коркард кунад.
Акс: аз манбаъҳои кушода
