Идораи миллии ҳавошиносӣ ва кайҳонии ИМА (NASA) тасмим гирифтааст, ки 11 октябр намунаи хокро аз астероиди Бенну намоиш диҳад. Дар ин бора вазорат рӯзи панҷшанбеи 14 сентябр дар вебсайти худ хабар дод.
Интизор меравад, ки озмоиши OSIRIS-REx, ки намунаҳои хок аз Бенну ҷамъоварӣ мекард, рӯзи 24 сентябр дар биёбони Юта фуруд ояд. Пас аз ин, намунаҳо ба Маркази кайҳонии Линдон Ҷонсон интиқол дода мешаванд.
Намоиши хоки астероид дар конференцияи матбуот 11 октябрь барпо мегардад. Дар ҷараёни чорабинӣ муҳаққиқони NASA натиҷаҳои аввалини озмоишҳои хокро баррасӣ мекунанд.
OSIRIS-REx моҳи сентябри соли 2016 ба астероиди Бенну сафар кард ва моҳи декабри соли 2018 вориди мадори он шуд. Дар давоми ду соли оянда муҳаққиқон астероидро фосилавӣ омӯхта, ба миссияи намунагирии хок омода шуданд, ки моҳи октябри соли 2020 бомуваффақият анҷом ёфт.
Акс: аз манбаъҳои кушода
