Қазоқистон, Қирғизистон, Тоҷикистон, Туркманистон ва Узбакистон қасд доранд, саҳми арзҳои миллиро дар ҳисоббаробаркуниҳои мутақобила афзоиш диҳанд. Дар ин бора дар як баёнияи муштараки раҳбарони ин кишварҳо дар пайи нишасти машваратӣ дар Душанбе гуфта шудааст, ки онро дар брифинги Сироҷиддин Муҳриддин, вазири умури хориҷии Тоҷикистон қироат кардааст.
«Имрӯз раҳбарони кишварҳои минтақа тавсеъаи ҳамкориҳо дар арсаи тиҷоративу иқтисодӣ ва фароҳам овардани шароити мусоид барои тиҷорат ва сармоягузорӣ гуфтаанд, ки вазифаи аввалиндараҷа аст. Имконияти ба роҳ мондани ҳамкорӣ ҷиҳати тадриҷан зиёд кардани саҳми асъори миллӣ дар ҳисоббаробаркуниҳои мутақобилан байни давлатҳои минтақа баррасӣ мешавад», — гуфт у.
Вазир қайд кард, ки сарони давлатҳо ба густариши ҳамкорӣ дар соҳаи саноат ва кооператсияи саноатӣ низ таваҷҷуҳ зоҳир намуданд. «Ҳамчунин дастур дода шуд, ки ба баланд бардоштани самаранокии истифодаи иқтидори транзити Осиёи Марказӣ таваҷҷӯҳ зоҳир карда шавад», — Мухриддин гуфт.
Акс: аз манбаъҳои кушода
