Генерал-майори амрикоӣ Григорий Андерсон ва генерали бригада Патрик Эллис барои мушоҳидаи машқҳои Eagle Partner 2023, ки дар тамрингоҳи «Зар» ҷараён доранд, вориди Арманистон шуданд. Дар ин бора дафтари матбуоти сафорати ИМА дар Ереван хабар додааст.
«Муносибатҳои мо бо Арманистон бисёрҷанба буда, ба ҳамкориҳо асос ёфтаанд. Иёлоти Муттаҳида пайваста ба Арманистон, бахусус дар таҳкими иқтидори ин кишвар дар чунин соҳаҳои муҳим, аз қабили посдории сулҳ кӯмаки низомӣ мерасонад», — Андерсон изхор намуд.
Гуфта мешавад, ки ин тамринҳо барои омода кардани 12-умин бригадаи посдори сулҳи Арманистон барои арзёбӣ дар доираи «Консепсияи тавонмандиҳои амалиётии» НАТО дар назар аст. Eagle Partner дар қаламрави Арманистон то 20 сентябр баргузор мешавад.
Машқҳои муштараки Арманистон ва нерӯҳои посдори сулҳи Амрико рӯзи 11 сентябр оғоз шуданд. Рӯзи гузашта Дмитрий Песков, сухангӯи Кремл гуфт, ки Русия ва Арманистон тасмими баргузории тамринҳоро бо Амрико, на бо Созмони Паймони Амнияти Дастаҷамъӣ (СПАД) баррасӣ хоҳанд кард.
Хабар медихад «Рамблер».
Акс: аз манбаъҳои кушода
