Нишасти сарони кишварҳои Осиёи Марказӣ рӯзҳои 14-15 сентябр дар Душанбе баргузор шуда, дар пайи натоиҷи он имзои бастаи панҷ санад дар назар аст. Дар ин бора нашрияи расмии «Нейтральный Туркменистан» хабар додааст.
Аз ҷумла, тавре нашрия менависад, изҳороти муштараки сарони кишварҳои Осиёи Марказӣ, созишнома дар соҳаи нақлиёти заминӣ, созишнома дар бораи самтҳои умумии сиёсати ҷавонон, низомнома дар бораи Шӯрои ҳамоҳангсозони миллӣ оид ба ҷаласаҳои машваратӣ , Харитаи роҳ барои дастгирии саломатӣ ва некӯаҳволии сокинони минтақаи Осиёи Марказӣ дар солҳои 2023-2025.
Ҳамчунин, ба навиштаи рӯзнома, дар ҳошияи ин ҳамоиш мулоқоти вазирони хориҷа баргузор мешавад ва беш аз даҳ чорабинии мувозӣ дар назар аст. Инҳо Форуми иқтисодӣ, Намоишгоҳи байнулмилалии маҳсулоти миллӣ, мулоқоти аъзои Муколамаи занони пешвои Осиёи Марказӣ, намоишгоҳи рассомон, анҷумани ректорони мактабҳои олӣ, Конфронси байналмилалии илмӣ, нишасти вазирон мебошанд. наклиёт ва концерти гала-бавии устодони маданият ва санъати давлатхои Осиёи Миёна ва як катор дигар чорабинихои маданй .
Панҷумин нишасти машваратии сарони кишварҳои Осиёи Марказӣ рӯзҳои 14-15 сентябр дар Душанбе баргузор мешавад. Ҳамчунин дар ин рӯзҳо баргузории ҷаласаи Шӯрои ХБНА, ки соли 1993 бо ҳадафи рафъи бӯҳрони экологӣ ва беҳбуди вазъи иқтисодиву иҷтимоии ҳавзаи хушки Арал таъсис ёфтааст, дар назар аст. Интизор меравад, ки дар ин чорабинӣ сарони ҷумҳуриҳои Қазоқистон, Қирғизистон, Туркманистон, Узбакистон ва Тоҷикистон ширкат кунанд. Мулоқоти қаблӣ соли 2022 дар шаҳри Чолпон-Атаи Қирғизистон баргузор шуда буд.
ТАСС хабар медихад.
Акс: аз манбаъҳои кушода
