Бар асари обхезии тӯфони Даниел дар шарқи Ливия ҳудуди ду ҳазор нафар ба ҳалокат расиданд.
Раиси ҳукумати порлумон, ки муқими шаҳри Сиртаи Ливия аст, Усома Ҳамад гуфт, шумори қурбониён аз ду ҳазор нафар гузаштааст. Изҳороти ӯро RT Arabic иқтибос овардааст.
Ҳамзамон, вазири умури дохилии ҳукумат дар шарқи кишвар Эссам Абу Зариба низ дар мусоҳиба бо шабакаи телевизионии Al Hadath эълом кард, ки шумори кушташудагон беш аз 2 ҳазор нафар аст. Вай ҳамчунин дар бораи ҳазорон нафар аз сокинони нопадидшуда хабар дод.
Ҳилоли Аҳмар дар Бенғозӣ қаблан гуфта буд, ки бар асари обхезӣ 150 нафар кушта шудаанд.
Акс: аз манбаъҳои кушода
